Tranzisyon an
Travay la kòmanse kounye a.
Majistra eli Zohran Mamdani te pote viktwa nan eleksyon an avèk yon vizyon pou fè New York an sekirite ak abòdab pou tout moun k ap viv ladan l. Aprann kijan gouvènman li a pral pran aksyon rapid pou reyalize pwomès sa yo depi nan premye jou.
Pouvwa Pèp La
Mèsi, Nouyòk
Pèp la te vote Zohran sou yon manda pou chanjman transfòmatè. Plizyè dizèn milye Nouyòkè te kore viktwa sa a, paske yo kwè yon pi bon vil posib.
- 104,764Volontè
- 3.1MPòt ki frape
- 4.5MKout telefòn
- 2.7MTèks ki voye
Majistra eli a
Sou Zohran
Li fèt nan peyi Ouganda epi li grandi nan vil Nouyòk. Li te milite anfavè klas ouvriye yo andedan ak deyò lejislati a: li te fè grèv grangou bò kote chofè taksi pou alèje yon dèt ki te depase $450 milyon, li te jwenn plis pase $100 milyon nan bidjè eta a pou ogmante sèvis subway la epi pou finanse yon pwogram preliminè pou gen otobis gratis ki te yon gwo siksè, epi li te òganize Nouyòkè pou kraze yon pwopozisyon pou yon santral elektrik ki ta fè anpil polisyon. Lavichè ap peze souse klas ouvriye a, men Zohran kwè gouvènman an kapab bese pri yo epi fè moun ka viv pi alèz nan vil nou an — li pral itilize tout zouti ki disponib pou redui lwaye a, kreye transpò piblik ki pi bon kalite epi pèmèt moun elve fanmi yo pi fasil.
M ap itilize tout zouti ki disponib pou redui lwaye, kreye yon sistèm transpò piblik ki pi bon kalite, epi pèmèt moun elve fanmi yo pi fasil.
Ekip la
N ap bay rezilta pou tout Nouyòkè yo.
Koprezidan tranzisyon anGrace Bonilla
Grace Bonilla se yon dirijan òganizasyon san bi likratif ak yon Nouyòkèz natifnatal ki aktyèlman sèvi kòm prezidan ak direktris jeneral United Way of New York City, ki se youn nan premye òganizasyon san bi likratif nan vil la ki kowòdine avèk founisè sèvis, konpayi, ak sèvis gouvènmantal lokal pou ede Nouyòkè ki pa gen gwo mwayen. Anvan sa, Bonilla te jesyonè Administrasyon Resous Imen Vil Nouyòk la, epi premye Direktris Egzekitif Gwoup Travay Vil Nouyòk sou Jistis Rasyal ak Enklizyon.
Koprezidan tranzisyon anLina Khan
Ansyen prezidan Komisyon Federal Komès la (FTC) Lina Khan se pi gwo defansè k ap goumen kont monopòl nan peyi a. Antanke 57yèm prezidan FTC anba Prezidan Biden, Khan te mennen bak efò gouvènman an te fè pou aplike lwa kont monopòl yo epi lwa sou pwoteksyon konsomatè. Anvan li te nan FTC, Khan te konseye jiridik Soukomite sou Zafè Antimonopòl, Dwa Komèsyal ak Dwa Administratif nan Komite Jidisyè Chanm Reprezantan nan Kongrè peyi Etazini. Li te konseye jiridik pou komisè FTC Rohit Chopra. Khan se yon pwofesè asosye nan Fakilte Dwa Columbia University, tou.
Koprezidan tranzisyon anMaria Torres-Springer
Maria Torres-Springer se yon ekspè nan domèn lojman ak devlopman ekonomik ki te jwe anpil wòl kòm lidè nan administrasyon minisipal, dènyèman kòm Premye Majistra Adjwen nan meri a. Anvan sa, Torres-Springer te Majistra Adjwen pou Lojman, Devlopman Ekonomik, ak Mandèv; Komisè Depatman Konsèvasyon ak Devlopman Lojman nan Vil Nouyòk; epi prezidan ak direktris jeneral NYC Economic Development Corporation. Li te vis prezidan pwogram Etazini nan Ford Foundation epi li se fiti prezidan ak direktris jeneral Revson Foundation.
Koprezidan tranzisyon anMelanie Hartzog
Melanie Hartzog se prezidan ak direktris jeneral New York Foundling, youn nan pi gwo ak pi ansyen òganizasyon san bi likratif nan vil la ki ede timoun, jèn, granmoun, ak fanmi ki nan bezwen atravè sèvis, sipò, ak pledwaye. Anvan sa, Hartzog te sèvi nan de (2) administrasyon majistra kòm Majistra Adjwen pou Lasante ak Sèvis Imen nan vil Nouyòk, kòm Direktris Biwo Majistra pou Jesyon ak Bidjè, kòm Kowòdinatris Sèvis Fanmi pou Majistra Adjwen pou Lasante ak Sèvis Imen epi kòm Komisè Adjwen Administrasyon Sèvis pou Timoun. Li te dirije tou yon inite sèvis sosyal nan Biwo Majistra pou Jesyon ak Bidjè, epi li te yon direktris Human Services Council of New York City, Inc.
Direktris egzekitif tranzisyon anElana Leopold
Direktris egzekitif tranzisyon an, Elana Leopold, te sèvi kòm konseye prensipal pou kanpay Mamdani a, kote li te yon entèmèdye pou lidè sivik, dirijan antrepriz, ak lidè kiltirèl nan tout vil la. Leopold, yon Nouyòkèz natifnatal, te okipe plizyè pòs prensipal nan administrasyon de Blasio a, pami yo konseye prensipal pou IGA (Ofis Zafè Entègouvènmantal) ak konseye prensipal pou majistra a. Li te fè pati ekip tranzisyon an tou aprè kanpay 2013 de Blasio a te reyisi.
Premye Adjoint MajistraDean Fuleihan
Dean Fuleihan se yon veteran ki gen anpil respè nan gouvènman New York, li te sèvi avan kòm Premye Adjoint Majistra ak Direktè Bidjè anba Majistra Bill de Blasio. Li te sipèvize yon bidjè ki depase $100 milya, li te gide vil la nan rekiperasyon pandemi e li te dirije gwo refòm nan bidjè ekite ak devlopman mendèv. Fuleihan pote yon eksperyans vaste nan Albany, li te sèvi plis pase 30 ane nan divès pòs nan asanble eta a, enkli 16 ane kòm konseye politik pou Oratè Asanble a Sheldon Silver. Li te tou negosyatè an chèf pèsonèl Chanm lan pou bidjè eta a ki se $130 milya.
Chèf PèsonèlElle Bisgaard-Church
Elle Bisgaard-Church te kòmanse karyè li nan Albany kòm Chèf Pèsonèl Zohran nan Asanble Eta a. La, li te ede fòme pati enpòtan nan apwòch Mamdani nan gouvènans e li te jwe yon wòl kritik nan reyalizasyon enpòtan tankou premye eksperyans otobis gratis nan Vil Nouyòk ak efò òganizasyon ak NYTWA ki te genyen $450 milyon nan èd pou travayè taksi yo. Bisgaard-Church te sèvi apre sa kòm Manadjè Kanpay pou kanpay primè istorik Zohran Mamdani, kote li te sipèvize operasyon chak jou e li te yon achitèk prensipal dèyè pwopozisyon politik inovatè tankou Depatman Sekirite Kominotè. Kòm manadjè kanpay, Elle te ede transfòme kanpay la soti nan yon kandida ti kras koni pou vin youn ki te kaptire atansyon vil la, kandida sou yon ajanda abòdab ak yon angajman pou delivre pou New Yorkè ki ap travay.
Aktyalite
Mayor-elect Zohran Mamdani Raises More Than $1 Million in Under 10 Days for Transition to Build a City Hall Ready to Deliver on Day One
In less than ten days, Mayor-elect Zohran Mamdani has raised more than $1 million for his transition fund, laying the groundwork for an administration ready to deliver on his affordability agenda on day one. 12,707 people donated, with an average contribution of just $77.65. Thousands of New Yorkers are chipping in to help build the incoming administration, reflecting a City Hall that is by and for everyday New Yorkers.
Mayor-elect Zohran Mamdani Resume Portal Hits 50,000 Applicants
Less than a week after Mayor-elect Zohran Mamdani launched his transition’s Resume Portal, 50,000 people have already applied to join his team. The portal allows any person interested in working in the Mamdani administration to submit their resume directly to the transition team. The overwhelming response underscores the enthusiasm and belief in building a government that delivers for working people.
Zohran Mamdani Appoints Dean Fuleihan as First Deputy Mayor and Elle Bisgaard-Church as Chief of Staff to Execute Bold Affordability Agenda
Mayor-elect Zohran Mamdani today appointed Dean Fuleihan, New York City’s most experienced budget director and a 40+ year city and state management veteran, as First Deputy Mayor. Mamdani also appointed Elle Bisgaard-Church, his chief advisor who steered Mamdani’s historic primary victory, as Chief of Staff.
Mayor-elect Zohran Mamdani Appoints Transition Leadership to Usher in A New Era for NYC
New York City Mayor-elect Zohran Mamdani today appointed nonprofit leader Grace Bonilla, City budget and social service expert Melanie Hartzog, former Federal Trade Commission chair Lina Khan, housing and economic development leader Maria Torres-Springer, as Transition Co-Chairs, and political strategist Elana Leopold as Transition Executive Director.
Travay Ansanm Avèk Nou
Bati Lavni Vil Nou a
Fè pati yon administrasyon k ap bay plis sekirite nan lari, katye ki abòdab, ak yon lavni ki pi bèl pou tout Nouyòkè.
Aplike Kounye a